- هل ترغب في استكمال تعليمك في الخارج؟
-ألمانيا هي اختيارك الأفضل بكل تأكيد
الدراسة في ألمانيا لحملة الثانوية العامة (البكالوريا)
إذا كنت طالب ثانوي و ترغب في استكمال شهادة البكالوريوس..علمي أو ادبي الأمر واحد..سيكون مطلوب منك شهادة B1 في اللغة الألمانية من معهد جوته،وبعدها التقديم علي جامعة في ألمانيا،بعد الموافقة، تذهب للسفارة ،لإنهاء أوراقك وتسافر..لن تدرس طبعًا في الجامعة مباشرة ،ستحتاج لعمل Studienkolleg أو سنة تمهيدية لمعادلة شهادتك،ستدرس فيها المواد التي درستها في ثانوي بالألماني ثم تقدم في الجامعة،والجامعة اللي تأتيك الموافقة منها، ستوفر لك في تلك السنة كورسات لتصل لمستوي اللغة الذي يؤهلك لتجاوز امتحان اللغة DSH كي تدخل الجامعة..
- الويب سايت الخاص بالسنة التمهيدية
http://www.studienkollegs.de/
الدراسة في المانيا للحاصل على البكالوريوس (الشهادة الجامعية)
-الحاصل على شهادة بكالوريوس و يرغب في استكمل دراسات عليا،الأمر هنا أصعب من ناحية مستوي اللغة،لأنك لابد تكون وصلت لمستوي C1 في اللغة المعادل لشهادة القبول من الجامعة DSH قبل ما تقدم للجامعة،وطبعًا نفس الخطوات بمجرد ما تأخذ الشهادة من جوته القاهرة،تقدم لجامعة ألمانية، بعد الموافقة،تذهب للسفارة لتعرف المطلوب منك وتسافر..-ما هي الأوراق التي تحتاجها السفارة؟
-بسيطة ادخل علي موقع السفارة الألمانية
http://www.kairo.diplo.de/Vertretung/kairo/ar/07__neu/__Allgemeine__Hinweise__zum__nationalen__Visum.html
- أهم حاجتين مطلوبين منك..أولًا موافقة الجامعة..ثانيًا التمويل..لازم يكون عندك حساب مجمد في دويتشه بنك بحوالي 8500 يورو،دول لزوم المعيشة وبس،انما الدراسة نفسها شبه مجانية،مصاريف الجامعة بتتراوح ما بين 150يورو الي 500 يورو في السيمستر الواحد وساعات بتكون ببلاش كمان.ال 8 الاف يورو هتسحب منهم كل شهر مبلغ محدد حوالي 630 يورو لا يزيدوا ولا ينقصوا يورو واحد.ودي مصاريف معيشتك الشهرية في ألمانيا..
باقي الورق المطلوب منك سهل انجازه..
-طيب أنا مش معايا الفلوس دي،وخلصت تعليم لغة،ومعايا الشهادة،وعايز اروح منحة؟
-المنح لخريجي ثانوي صعب جدًا،ومفيش أمامك غير الدفع،لحملة البكالريوس أسهل وأصعب..أسهل لأن في منح،أصعب لأن المنح بتتوفر بس للطلبة المتميزين،وهنا انت وشطارتك بقي..
دي مواقع للمؤسسات اللي بتدي منح..أو اللي بتساعدك تتعرف علي منح
http://www.hochschulkompass.de/
http://cairo.daad.de/
https://www.study-in.de/en/study/scholarships-financing/
http://www.hss.de/english/scholarships.html
http://www.bayer-foundations.com/en/bayer-scholarships.aspx
وده مقال في دويتشه فيله عن نصائح بخصوص المنح ومعلومات عن بعض المؤسسات المانحة..
http://www.dw.de/%D9%83%D9%8A%D9%81-%D9%8A%D8%AD%D8%B5%D9%84-%D8%A7%D9%84%D8%B7%D8%A7%D9%84%D8%A8-%D8%A7%D9%84%D8%A3%D8%AC%D9%86%D8%A8%D9%8A-%D8%B9%D9%84%D9%89-%D9%85%D9%86%D8%AD%D8%A9-%D8%AF%D8%B1%D8%A7%D8%B3%D9%8A%D8%A9-%D9%81%D9%8A-%D8%A3%D9%84%D9%85%D8%A7%D9%86%D9%8A%D8%A7/a-17472608
وده موقع للجامعات الألمانية المقدمة للمنح خش براحتك ودور
http://www.schnittker-versicherungsmakler.de/alternativ/stipendien/anbieter/tabelle-stipendien-anbieter/
-ملحوظة 1:المنح متوفرة لطلبة علمي أكثر من أدبي
-ملحوظة 2: ممكن تدرس بالانجليزي وتوفر خيار تعلم اللغة الألمانية..الدراسة بالانجلزية متاحة لطلبة علمي ونادرًا لأدبي،وغالبًا مرتبطة بمنح.وفرص ايجاد مكان باللغة الألمانية أيسر ألف مرة من الانجليزية..وفي الحالتين الدراسة بالألماني أو الانجليزي تتطلب منك اجادة اللغة الألمانية علي الأقل لمستوي B1.وطبعًا لازم يكون معاك تويفل أو ايلتس..
-طيب أنا معرفش ولا كلمة ألماني وعايز أبدأ من الصفر وخايف من عدم اتقاني اللغة،خصوصًا انها صعبة؟
-هي فعلًا صعبة،بس لو حبتها هتبقي سهلة جدًا،خصوصًا انها لغة منطقية اللي بتسمعه بتكتبه،في البداية لازم تخاف من عدم الاتقان،لكن نصيحة مجرب هتوصل وهتتكلم.كنت زيك في يوم من الأيام معرفش كلمة واحدة،وقدرت في 27 شهر متصلة أوصل ل C1 وأجيد اللغة..البداية بس صعبة..
-طيب أتعلمها فين؟
-لو معاك فلوس..معهد جوته في الدقي،او اسكندرية هو الأفضل علي الإطلاق..وطبعًا بما أنك عايز تنجز،هتاخد كورسات مكثفة 3 مرات في الأسبوع أو 5 لو دخلت في مجموعات الدكاترة،والأول أفضل عشان استيعابك..لو مشيت بالرتم ده،هتخلص في سنتين ما يؤهلك لدخول الجامعة شهادة C1..
المستويات هي A1,A2,B1 وهنا لازم تعمل امتحان إجباري لمدة 3 ساعات شفوي وتحريري وسماع وقراءة،عشان تتجاوز المرحلة دي وتطلع B2 .المجموع الكلي من 300 ولازم تجيب علي الأقل 60%..مدة ال 3 مستويات مكثف 9 شهور..ثمن الكورس الواحد حوالي 2000 جنيه ده علي أيامي من 3 سنين ،يعني الاجمالي حوالي 6000 وبالكتب 6700،ومصاريف الامتحان 700 جنيه
بعدها B2,1 ,B2,2 ودول علي بعض 6 شهور،كل كورس ب 1700 جنيه ،التوتال بالكتب حوالي 3700 جنيه،وهنا أنت حر يا تعمل امتحان شهادة B2 يا متعملوش،بس الأفضل تعمله طبعًا عشان تقف علي مستواك ويبقي معاك شهادة مهمة جدًا..نظام الامتحان نفس B1 بس أصعب بمراحل طبعًا..
بعدها C1,1..C1,2..C1.3 دول 9 شهور،هيوصلوك في النهاية لأداء الامتحان،وده بالتأكيد أصعب من اللي فاتوا بمراحل،ويتطلب دخوله اتقان عالي جدًا للغة والتمكن من ادواتها بشكل مهول..كل مستوي تكلفته حوالي 1300 جنيه تقريبًا وده مرتين في الاسبوع فقط
ده موقع معهد جوته
http://www.goethe.de/ins/eg/kai/arindex.htm
لو الموضوع غالي..ممكن تجرب أماكن أرخص..أكسون،القوات المسلحة،بابل..في كل الأحوال شهادة أي مركز تاني غير جوته ملهاش اي قيمة..لازم تروح تعمل امتحانات B1,B2,C1 في جوته وتاخد شهادة من هناك لأنها الوحيدة المعترف بها في السفارة والجامعة..
ملحوظة: لازم تبذل مجهود ضخم عشان تتعلم ألماني،تتقن مخارج الألفاظ،القواعد،كل كلمة تحاول عليها مرة واتنين عشان تنطقها صح،تكوين الجملة صعب شوية،لازم تعود نفسك علي الكلام،تجمع أكبر قدر من الكلمات وأدواتها،تقرأ بكثافة، وبالتعود النص اللي هياخد منك ساعة هيبقي في 10 دقائق او أقل،لازم تخلق جو ألماني،تفكر الماني،تكتب ألماني،تتكلم ألماني،تتعرف علي الحياة الثقافية ورموزها..مجهود متراكم وصعب خصوصًا انك عايش في مصر..لكن النتيجة هتكون مُذهله مع الإصرار..
ودي مواقع ممكن تساعدك علي اتقان اللغة بجانب الكورسات قواميس ناطقة ومكتوبة وكتب للمبتدئين
http://www.goethe.de/ins/eg/kai/lhr/mat/lhw/arindex.htm
وده القاموس الأفضل لمعاني الكلمات وأدواتها
http://de.thefreedictionary.com/
وكمان في مكتبة جوته في البستان،رائعة ممكن تستعير منها 5 كتب لمدة 3 اسابيع،والكارنيه بحوالي 80 جنيه..ولو انت طالب في معهد اللغة في جوته، الكارنيه ببلاش،وفي أوضه داخل المعهد في الدقي اسمها Selbstlearningszentrum أو مركز التعليم الذاتي وده كنز لمواد سماعية وقصص وكتب الامتحانات
-أنا كده اتعقدت..ده المشوار طويل أوي..
-كلنا قولنا كده في الأول..بس بمجرد ما تحط رجلك علي الطريق خلاص..ولو عندك الدافع كل ده هيكون علي قلبك زي العسل..وأكيد انت عارف ان مفيش شئ سهل..
ألمانيا أفضل لأنها الدراسة مجانية عكس أميركا وبريطانيا وكندا واستراليا وغيرها،ومصاريف المعيشة معقولة جدًا..و ممكن تشتغل في الدراسة عشان تحسن دخلك...ولأن حتي مجرد اتقان اللغة هيفتحلك فرص عمل في مصر،دخلها أكبر من وظيفتك..فودافون القسم الألماني مثلًا مرتباتها تتجاوز 2000 ج وشغل 5 ايام في الاسبوع بس،واماكن غيرها أكثر..
حجز مقعد جامعي في ألمانيا يستحق كل نقطة عرق هتبذلها،وكل تكلفة مادية ستتحملها بلا أي جدال
بالتوفيق
مصدر
in المنح الدراسية , تعليم ,